AANAA HAAWWAA GALAAN

Aanaan Haawwaa Galaan gandoota baadiyyaa 30 fi Bulchiinsa Magaalaa 2 qabdi. Akka Aanaa keenyaatti nageenya lammiilee tasgabbeessuu fi Aanaa keenya diinagdeedhaan utubuuf hojii bal’aan qindoomina sekteraalee Aanaa keenyaatiin Hojjetamaa jira. Nageenya biyyaa tasgabbeessuun dhimma xiyyeeffannoo guddaa argatee fi mallattoo uummata Aanaa keenyaa kan ta’e dammaqinaan nageenya isaa tikfachuu keessatti dorgomaa hin qabnu. Aanaan keenya sabaa fi sab-lammoota biyyattii hedduudhaaf dahoo jireenyaa, iddoo mijattuu taatee jirti. Sabaa fi sab-lammoonni Aanaa keenya keessa jiraatan nageenyaa fi tokkummaa tikfachuun aadaa waliin jireenyaa dagaagfatanii jiru. Bifuma kanaan akka Aanaa keenyaatti barnootaa fi tekinolojii babal’isuu, Diinagdee biyyaa utubuuf oomishaa fi oomishtummaa dabaluu, akkasumas sirna jabaa ijaarree dhalootaaf bu’uura gaarii kaa’uu keessatti hojii bal’aa hojjechaa jirra. Kana malees toora xiyyeeffannoo mootummaan keenya kaa’een Mana murtii aadaa, Gaachana sirnaa fi Buusaa gonofaa cimsuu irratti hojii bal’aan hojjetamaa jira. Manni murtii aadaa haqa walootiif, Gaachanni sirnaa nageenya walootiif, Buusaan gonofaa deggersa walootiif kan dhaabbatanidha. Jabaannee yoo hojjenne biyya keenya badhaatuu hin goona.
OROMIYAA NI IJAARRA, ITOOPHIYAA NI UTUBNA, GAANFA AFIRIKAA NI TASGABBEESSINA!

Waajjirri Paartii Badhaadhinaa Damee Aanaa Haawwaa Galaan hundeeffama isaarraa eegalee hojii boonsaa kallattii hundaan fayyadamummaa sabaa fi sablammoota biyyattii mirkaneessu hedduu hojjetaa akkuma jiru Akka Aanaa haawwaa Galaanittis hojiiwwan hedduu hojjetaa kan jiru toora xiyyeeffannoo isaa qabatee gandoolee Baadiyyaa 30 fi Bulchiinsa Magaalaa 2 keessatti xiyyeeffannoon hojjetaa kan jiruu fi keessumaa Barri jijjiiramaa Aangoon harka oromoo galeen diinagdeen biyyattii sadarkaa sadarkaan hojjetamaa jiru daran kan jajjabeeffamudha. Nutis fayyadamummaa fi badhaadhina hawaasa keenyaa mirkaneessuuf akka waajjira Paartii Badhaadhinaa damee Aanaa Hawwaa Galaanitti hojii boonsaa hojjechaa jirra

Qonni bu’uura diinagdee hawwaasa keenyaa kan ta’e uummata biyyattii keessaa harki 85 ol Qonna irratti kan hundaa’eedha. Hawwaasni Aanaa Haawwaa Galaanis dhibbeentaan 90 ol jiruuf jireenyisaa qonnarratti kan xiyyeeffateedha. kanaaf maddi jireenya hawwaasa aanichaa qonnaan kan ifuudha. Aaanaan Haawwaa Galaan iddoo mijataa qonnaa gosa adda addaaf mijooftuu waan taatee fi haalli qilleensashee jiruuf jireenya lubbu qabeeyyii hundaaf taatu waan taateef filatamtuu fi carra qabeettii taatedha. Aanicha keessatti qonna ammayyeessuun biyya keenya ceessisuuf karaa waajjira keenyaa hojii bal’aan hojjetamaa jira.

Kaayyoon Mana hojii Abbaa Alangaa yakkoota adda addaa mudatan seekteraalee mootummaa adda addaa waliin qindoomuun qorachuun olaantumaa seeraa mirkaneessuun haqi akka jiraatu taasisuudha kana malees akkaataa labsii fi qajeelfama taa’een nama hunda qixatti ilaaluun tajaajiluu, kana jechuun namni kamuu abbaa dhimmaa ta’ee gara waajjirichaa wayita dhufu sabaan, amantaan, aadaa fi afaaniin osoo adda hin qoodin tajaajila si’ataa fi qulqullina qabu kan kenninudha. Mirgi namoomaa akka eegamuu fi yoo miidhaan jiraate dhiibbaa taasisuun tooratti deebisuu fi akkasumas miidhaawwan adda addaa haadholii fi daa’imman irratti raawwatamuuf dursaa fi iddoo olaanaa itti kennuun irratti hojjechuu fi gama kamiiniyyuu seekteraalee hedduu waliin ta’uun haqa mirkaneessuuf kan hojjetaa jirrudha.

Hospitaalli Jalqabaa Aanaa Haawwaa Galaan bara 2010 hojii tajaajila yaalaa guutuu ta’e kennuu kan jalqabe yammuu ta’u, Hawwaasa aanichaa bira darbee jiraattota gandoolee aanaa Ollaa jiran tajaajiluurratti kan argamu kaappitaala jalqabaa qarshii 100,000 qofaan kan jalqabe fi galii keessoo isaa guddisuuf hojjeteen waggoottan muraasa kanatti yeroo ammaa qarshii miliyoona 5 olirra kan jirudha. tajaajila yaalaatiinis sadarkaa gaariirra kan jiruu fi meeshaalee yaalaa ammayyaa’oo ta’aniin saatii 24 guutuu tajaajilaa kan jirudha. hawwaasnis yaala argachuuf manneen yaalaa barbaacha baasii hin mallee fi joormaaaf osoo hin saaxilamin tajaajila yaalaa argachaa jiraachuu hawwaasni ni dubbatu. tajaajila yaalaa kana cinaattis hospitaalichi inisheetiivota adda addaa kanneen akka horsiisa kanniisaa fi omisha dammaa, furdisa loonii, oomisha aannanii fi nyaata beelladaa irratti bobba’ee kan jiru ta’uu fi Kenna tajaajila lammummaarrattis deggersa barbaachisu taasisaa kan jiruudha.

Manni murtii Aanaa Haawwaa Galaan labsii 141/2000 keewwata 73 jalatti kan hundaa’e uummata Aanaa keenya hundaaf tajaajila qulqulluu fi si’ataa ta’e duudhaawwan saddeet bu’uura godhachuun tajaajilaa jirra. Kanumaan wal qabatee tajaajila haqa qabeessa aantummaa uummataa mirkanneessu hojiirra oolchinee hawwaasa keenya bifa qindaa’aa ta’een tajaajilaa jirra. Kana malees tajaajila Abbaa seerummaa fi bilisummaa murtii Abbootii seeraa dhiibbaa kamirraa bilisa ta’e lafa qabsiisuuf hojii bal’aan hojjetamaa jira. Gama biroon immoo itti fayyadamni TQO waajjira keenya keessatti bu’aa guddaa kan argamsiisee fi hojii boonsaan kan ittiin hojjetamaa jirudha. Akka fakkeenyaatti DMS(data base management system) fudhachuun ni danda’ama. Galmeen Abbaa dhimmaa balaa uumamaatiinis ta’e nam-tolcheen akka hin barbadoofneef siistama fayyadamanii kuusuu irratti argamna. kana qofa osoo hin taane tajaajila Abbaa dhimmaatiif kenninu si’ataa gochuuf tekinolojii garaa garaa fayyadamuu irratti argamna.

Waajjirri Galii misooma biyyaa itti fufsiisuu fi maddoonni galii sakatta’amanii seeraan akka galanii fi gosoonni galii sadan hojimaatasaa eegeen raawwachuun galii guddisuun misooma biyyaa itti fufsiisuu keessatti shoora olaanaa taphataa kan jiru karoorri sassaabbii galiis waggaa waggaan dabalaa kan jiru yammuu ta’u bara 2017 qarshii miliyoonni 100 fi miliyoonni 69 akka sassaabamu karoorfamee hojjetamaa tureen qarshiin miliyoonni 100 fi 11 sassaabamaniiru bara 2018 ttis qarshiin miliyoonni 344 akka sassaabamu karoorfamee jiraachuun hojii bal’aan karaa waajjirichaa hojjetamaa jira.

Waajjirri Fayyaa Aanichaa Hawwaasa fayya buleessa ta’e horachuuf cimee hojjechaa jira. Hawaasni aanichaa hundumtuu tajaajila eegumsa fayyaa si’ataa fi qulqullina qabu akka argatuuf xiyyeeffannoon hojjetamaa kan jiru yammuu ta’u namni kamuu tajaajila yaala fayyaa salphaamatti akka argatuuf sadarkaa gandoolee aanichaatti tajaajilli kennamaa jira. keessumaa weeraroonni dhibeewwan daddarboo wayita mudatan rakkoowwan nageenyaa fi kan biroon utuu hin daangeffamin ogeessi waajjirichaa hanga sadarkaa qe’ee hawwaasaatti deemuun tajaajilaa kan jiru ta’uun akkasumas ergama mootummaan hawwaasni Miseensa Inshuraansii fayyaa ta’ee baasii xiqqaa dhaan waggaa guutuu akka tajaajilamu taasisaa jirra. Du’aatii haadholii fi daa’immanii hambisuuf akka waajjirichaatti xiyyeeffannoon hojii bal’aan hojjetamaa jira.

Manni Qopheessaa Magaalaa gabaa Roobii hawwaasni magaalichaa tajaajila barbaachisu akka argatuuf cimee kan hojjetaa jiruu fi magaalattii magaalaa hawwattuu taasisuuf hojii cimaan hojjetamaa jira. keessumaa hawwaasni magaalichaa diinagdeen akka of danda’uu fi hirkattummaa hawwaasa baadiyyaa jalaa akka bahuuf omishaaleen adda addaa kanneen akka horsiisa lukkuu, oomisha killee fi loon aannanii dhiyeessuun karaa mana qopheessaa magaalichaa xiyyeeffannoon hojjetamaa jira. Akkasumallee hoji dhabdummaa xiqqeessuuf dargaggoota magaalattii gurmeessuun hojiitti bobbaasuun eegalameera. Magaalattiin pilaanii qindaa’aa ta’e akka qabaattuuf akkasumas hawwatamummaa magaalaa keenyaa dabaluuf cimnee hojjechaa jirra.

Biyyi tokko guddachuuf humna barate gahaatti omishachuun murteessaa ta’uusaatiin biyyi keenyas barnootarratti xiyyeeffannoon hojjechaa jirti. sababni isaas yeroo kana kan barbaachisu keessumaa dhaloonni ammaa hojiiwwan hojjetamu keessatti teekinoolojiitti madaquun dijitaalessuu keessatti xiyyeeffannoon hojjetamaa jira. Akka Aanaa Haawwaa Galaanittis lammii barnootaan gahoomee biyyicha bakka bu’uun gohoominaan biyyattii akka ceesisuuf manneen barnootaa sadarkaa 1ffaa fi 2ffaa 48 ol ta’an hojii baruu fi barsiisuurratti argamu. Aaanaan Haawwaa Galaan erga barnoonni ammayyaa bara 1965 jalqabee kaasee simachuun kan keessummeessitee hojii baruu fi barsiisuu geggeessuu eegalterraa jalqabee dhaloota sammuun gahooman hedduu omishuun biyyaaf gumaachuu dandeessee jirti. gara fuula duraattis hojii baruuf barsiisuu aanicha keessatti karaa qulqullinasaa eeggateen geggeessuun daran dhaloota sammuun gahoome horachuuf xiyyeeffannoon kan hojjetamaa jirudha.

Mootummaan Caaseffama Hojii fi hojimaataa lafa qabsiisuuf hojjeteen akkuma Mootummaa Jabaa sadarkaa gandaarratti hundeessuuf hojjeteen Seekteraaleen mootummaa akka walitti makaman taasiseen seekteroonni aanichaa 4 Waajjira Dhimma Dubartootaaf Daa’immanii, Waajjira Ispoortii, waajjira Aaadaa fi Tuurizimii fi Waajjirri Hawwaasummaa iddoo tokkotti walitti makamuun Hagayya bara 2016 irraa eegalee Waajjira Dhimmoota Gurmaa’insa Uummataa jedhamuun hundeeffameera. kanaaf waajjirichi dhimmoota misoomaa fi dagaagigina Iddoowwan tuurizimii aanichaa kanneen akka Finca’aa laga Qexoo, Nooraa Waaqayyoo, Bosona Birbir fa’an kan jiran hojiiwwan bal’aan irratti hojjetamuu kan qabu gama Hawwaasummaatiin hariiroo jiruuf jireenya hawwaasa Aanichaa gidduutti dagaagsuu rakkoo hawaas diinagdeef fala kaa’uu, gama dagaagina Ispoortiitinis hojiiwwan bal’aan hojjetamaa jiraachuu fi keessumaa injifannoo kilaba Kubbaa miillaa bara kana Liigii Oromiyaarratti galmaayee dagaagina gosoota Ispoortii kan biroof bu’uura kaa’eera. Gama walqixxummaa dubartootaarratti gahoomsuu daa’imman qusachiisuun diinagdeesaanii utubaa deemuu akkasumas Kenna tajaajilaa babal’isuun rakkoo waloo furuuf xiyyeeffannoon hojjechuu irratti argamna. hoji dhabaa jiran qindoomina qaamolee mootummaa waliin hojiitti galchuu hojjetaa jiraachuu fi mirga namoomaa dubartootaa fi daa’immanii sirnaan kabachiisuuf hojjechuun miidhaa irratti qaqqabu Mana Hojii abbaa Alangaa waliin hojjetaa jirra.

Akka waajjira keenyaatti kenna tajaajilaa seektaraaleen mootummaa hawwaasaaf kennuu qabu hordofuu fi hawwaasnis irraa fayyadamuun itti quufiinsa hawwaasaa dabaluu fi aantummaan gama mootummaatiin akka jiraatu gochuu irratti argamna. Kana malees hojiiwwan akka mootummaatti karoorfaman akkaataa barbaadameen raawwachuu danda’uu isaa irratti deggersa, hordoffii fi gamaggama geggeessuun hanqinaalee mul’ataniif kallattii furmaataa kaa’uu irratti argamna. Akkasumas kenna tajaajilaa irratti adeemsa galmeessa siiviliitiin walqabatee maalirra akka jiru ni hordofna. Bifuma kanaan gama garee paabilik sarvisii fi misooma qabeenya humna namaatiin akkaataan hojiirra oolmaa labsii hojii fi hojimaataa maal akka fakkaatu gama hundaan ni to’anna. Gama garee kominikeeshenii irratti hojii fi hojimaata yaada uummataa fi garee burqaa odeeffannoo guyyaa guyyaan hojiirra oolmaa isaa adda ni baasa. Akkasumas kallattii hundumaa waajjirichi dhimma isa ilaallatu hundumaa irratti dammaqinaan hojjechaa jirra.

Waajjirri Bishaan, Albuudaa fi Inarjii Aanaa Haawwaa Galaaan tajaajila bishaan dhugaatii manneen qopheessaa magaalota 2 fi gandoota baadiyyaa 30 keessatti waliin gahuun hojjechaa kan jiru yommuu ta’u keessumattuu iddoowwan sararri bishaanii hin geenyettis komii uummataaf deebii kennuuf hojjetaa kan jirudha. Kana malees burqaalee bishaanii sakatta’uun hojjechuu irratti kan argamu gama hojii albuudaa irrattis xiyyeeffannoon hojjechuun gama kanaan galii achirraa argamu diinagdee aanichaa guddisuuf ergama itti kenname bahachuu irratti argamna.

Waajjirri Buusaa Gonofaa kan seektaraalee biroorraa ittiin adda bahu keessumaa aadaan wal gargaarsaa Oromoon dur irraa kaasee ittiin rakkoo walii furu xiyyeeffannoo mootummaan taasiseen bara jijjiiramaa asitti labsii fi qajeelfamaan hundeeffamuun sirna wal gargaarsaa bu’uura irraa lafa qabsiisuu fi itti fufsiisuuf sirna jabaa ittiin rakkoo waloo furatan ta’ee tajaajilaa jira. Kana keessatti rakkoowwan nam-tolchee fi rakkoowwan uumamaan akkasumas taatee guyyaa keessaatiin namni yoo rakkate wal bira dhaabbachuun rakkoo walii furuuf hawwaasni akka dammaqu taasisuu irratti argamna.

Waajjirri Daandiiwwanii fi Loojistiksii Aanichaa rakoolee hawwaasni gama daandii fi geejjibaatiin kaasu furuuf xiyyeeffannoon kan hojjetaa jiru hanga ammaatti waliin gahiinsa daandiitiin Gandoolee 32 keessaa gandooleen 32 tajaajila daandii argataa jiraachuu fi iddoowwan riqichi dhabamuun hawwaasni miidhamaa jiruttis Riqichi hojjetamuun tajaajilaa jiru. gama hojiiwwan geejjibaatiinis hawwasni akka hin rakkanneef dhiyeessii geejjibaarratti hojjechuun akka ramadamu gochaa jiraachuu alseerummaa geejjibarratti raawwatamu hanbisuuf xiyyeeffannoon hojjetamaa jira.

Waajjirri Poolisii Hojiiwwan roga hundaan raawwatan hunda keessatti gahee olaanaa kan qabu miseensa kamirraayyuu bilisa kan ta’e nageenya hawwaasaa tiksuu, al-seerummaa adda addaa raawwatamuu fi yakkoonni adda addaa akka hin mudanneef halkanii fi guyyaa ergamsaa gochuun nageenya tasgabbeessuu fi yakkoota jiran qorachuun dabarsuu keessatti xiyyeeffannoon hojjetamaa kan turee fi nageenyi waaraan itti fufee akka jiraatu taasisuuf hojjetaa jira.

Waajjirri Maallaqaa Toora xiyyeeffannoo qabatee hojjetaa jiruun bulchiinsaa fi qabeenya baajata anichaaf ramadame sirnaan hoogganuu fi qoodiinsa baajataa gabatee taa’een akka raawwatamu gochuu fi qisaasama oolchuu, akkasumas baajata faayinaansii fi qabeenyaa aanichaa to’achuu fi hordofuu, to’annoo fi gamaggama raawwii baajata aanichaarratti gochuu alseerummaa qisaasamaan dhufu ittisuuf kan hojjetu ta’uu fi akkasumas bu’aleen toora xiyyeeffannoo kanaan argaman baajataa fi qabeenya jiran irratti hojimaataaf qorannoo geggeessuun kana malees faayinaansii qabeenyaa gahoomsuun bu’a qabeessa taasisuuf hojiirra olchaa jira. raawwii baajataa kallattii fi akkataa hojimaatasaa eeggateen hojiirra olchuu karoora tarsiimawaa aanicharratti hundaa’uun baajata ramadame waggaa, kurmaanaa fi ji’aan odiitii geggeessuun kaappitaala aanichaa qopheessuu sochii faayinaansii fi Piroojeektota misoomaa mootummaa fi miti mootummaa, gargaarsaa seera eegee akka hojiirra oolu taasisuun sirni bulchiinsaa fi itti fayyadama qabeenya baajataa seekteraalee akka to’atu taasisaa kan jirudha.

Waajjirri Nagaa fi Milishaa Aaanaa Haawwaa Galaan akkuma waajjiraalee Aanolee biroo hojii nageenya waaraa mirkaneessuu fi misooma hawwaasa diinagdee karaa guutuu ta’een akka jiraatu gochuuf humna waloo nageenyaa itti fufiinsaan qindeessuun hojii nageenya lafa qabsiisuurratti cimee hojjetaa jiraachuun hawwaasnis bu’aa nageenyaa beekee dhimma nageenyasaa tikfachuurratti akka mar’iatuu fi humna waloo nageenyaa waliin qindoomee nageenyasaa akka tikfatu taasisuu fi humni waloo nageenyaas hawwaasni nageenyaan badhaadhee sochii hawaas diinagdeesaa irratti bobba’ee hojjetee jiruuf jireenyasaa akka fooyyeffatu taasisuuf halkanii fi guyyaa cimee kan hojjetaa jirudha. iddoo diinni argamettis duuluudhaan maan’ee diinaa barbadeessuu fi diinarratti tarkaanfii fudhachuun cimee hojjetaa kan jirudha.

Manni Qopheessaa Magaalaa Machaaraa bara 1999 qaama seerummaa argattee kantiibaan kan buluu jalqabde jiruuf jireenya namaaf magaalaa mijattuu fi hawwattuu kan taatee fi sabaa fi sablammoonni 8 ol kan keessa jiraatan ta’uunshee bulchiinsa magaalaa akka godinichaatti jiran irraa adda kan taasisu heddummunni uummatashee yeroo gara yerootti dabalaa dhufeen yeroo ammaa baay’inni jiraattota magaalattii kan jiran keessumaa giddu gala gabaa horii foonii,omishaalee adda addaa,kuduraa fi muduraa kan keessatti geggeeffaman taatee jiraachuu fi jiraattonni magaalattii diinagdeen akka fooyya’an taasisuuf hirmaachisuudhaan qonnaa fi kilaastera misooma beelladaa hojiirra olchuun fayyadamaa taasisaa kan jirtuu fi bu’uuraalee misoomaa hunda kan qabdudha. kanneen inestimentiirratti bobbaatanii hojjechuu barbaaddan kottaa machaaraa haa misoomsinu,haa guddisnu jenna.

Komishinichi gahee fi hojii Dambii Ittiin Bulmaataa Paartii Badhaadhinaan kennameef bu’uureffatee yeroo yerootti inispekshinii fi qorannoowwan adda addaa ni gaggeessa. Argannoo qorannoo yaada murtii gorsaa waliin qaamolee paartii dhimmi ilaaluuf ni dhiyeessa; hojiirra oolmaa isaas ni to’ata. Miseensota Komishinichaa Dambii Ittiin Bulmaataa fi Sagantaa paartiif hin bitamne sagalee 2/3ffaan ni dhorka /ittisa Ergama komishiniirratti Qaamolee fi miseensota komishinii sadarkaan jiraniif waltajjii hubannoo uumuu fi ijaarsa dandeettii ni qopheessa. Gaggeessitootaa fi miseensota komishinii; ni bobbaasa; ni hordofa, ni madaala, ni sadarkeessa, tarkaanfii sirreeffamaa ni fudhata. Waajjira komishinii sadarkaa tokko ol jiruufi konfiransiif gabaasa dhiyaatu ni qopheessa, mirkaneessee ni erga. Karoorri, baajannii fi gabaasni qophaa'ee koomishinichaaf akka dhiyaatu taasisa, yemmuu mirkanaa'u qaama dhimmi ilaaluuf akka darbu godha, Murtiiwwan Komishinii ol jiruu fi koomishinichaa ni raawwachiisa, hojiirra oolmaa isaas ni hordofa, Sochii waliigalaa waajjirichaa ni qindeessa, ni gaggeessa, ni gamaaggama, Koomishinicha bakka bu'uun qaama sadaffaa waliin qunnamtii taasisa, Walitti qabaan hojii fi itti gaafatamummaa isaarraa walakkaan I/G Waajjira Dameef bakka bu’insa kennuu ni danda’a Hojiwwan biroo Komishiniin kennamuuf ni raawwachiisa

Akka waajjira keenyaatti dhimma hojii xiinxala yaada uummataa haala walii gala irratti ji’a ji’aan fudhachuun qaaccessaa deemuu irratti hojii bal’aa hojjechaa jirra. Haala misoomaa, haala nageenyaa akkasumas odeeffannoo waliigalaa fudhachuun saatii hanga saatii, guyyaa gara guyyaatti qaaccessuun cinatti qaama ilaallatuuf dhiyeessaa jirra.

Akka waajjira keenyaatti siyaas diinagdeen dargaggootaa akka guddatuuf dargaggoota Aanaa keenya keessatti argaman hubannoo gahaa kallattii hundumaan akka qabaataniif barsiisuu, gurmeessuu fi gurmaa’iinsa isaaniitiin diinagdeen isaanii bu’aa gaarii akka argamsiisuuf hojii bal’aan gama waajjira keenyaatiin hojjetamaa jira. Walumaa galatti fayyadamummaa dargaggoo irratti qixa hundumaan akka dabaluuf hojii jajjabeessaa hojjechaa jirra.

Waajjirri Mana Maree labsii fi qajeelfama mataasaa danda’een kan bulu yammuu ta’u kan inni xiyyeeffannoon hojjetu Hojiiwwan seekteraalee mootummaa sadarkaa aaanaa hanga gandaatti karoorfamuun raawwataman kurmaana kurmaanaan iddoo miseensonni Mana maree hundi argamanitti gamaggamuun irratti mari’achuun yaadolee akka gaaffii fi komii miseensotarraa ka’u galtee godhachuun akka raawwataman kan taasisu raawwii hojii seekteraalee ji’a ji’aan fudhachuun duubdeebii kan kennu,Piroojeektota faayyadamummaa hawwaasaa mirkaneessuu hojjetaman koree dhaabbiin deggersaa fi hordoffii taasisuun yeroo fi qulqullinaan hojjetamee faayidaa barbaadamuuf akka oolu gochuuf aangoo kan qabu fi komiileen hawwaasarraa dhiyaatan yaa’ii mana mare Naannoorratti dhiyeessuun akka furaman taasisuun hojjetaa kan jiruudha.

Aanaan Haawwaa Galaan dhaabbilee barnootaa bu'uura boruu (BB) 45, Sadarkaa 1ffaa 55, sadarkaa 2ffaa 4 fi kolleejjii BLTO 1 walii gala dhaabbilee barnootaa mootummaa 105 fi kan dhuunfaa BB 5 sadarkaa 1ffaa 3 walii gala dhaabbilee 113 kan qabdu yeroo ta'u gaheen keenya dhaabbilee kana hunda keessatti barnoonni qulqullina qabuu fi dhaqqabamaa ta'e lammii umuriin barnootaaf gahe hunda qaqqabsiisuun sadarkaa biyyaatti lammii biyyattii bakka bu'uu danda'uu fi badhaadhina biyyaa mirkaneessuu danda'u horachuudha.

Hawwasni Oromoo gama siyaasaan gahoomee waa hunda siyaasa isaatiin akka hoogganatu leenjisuu, gahoomsuu akkasumas dhimma sirnoota darbanii irratti hawaasaa fi miseensa paartii badhaadhinaa hubachiisuuf hojii bal’aan hojjetamaa jira. Kana malees dhimma yeroo irratti mariisisuu, egeree biyyattii gama hundaa irratti leenjii kennuun dandeettii miseensa paartii badhaadhinaa fi hawaasa bal’aa gabbisuun badhaadhina diinagdeen, hawaasummaan, nageenyaan, dippiloomaasiin, tekinoloojiin dijitaalessuun adda durummaan hojjechuun hawaasa sirna isaa akka agartuu ija isaatti eeggatu horachuudha .

Akka waajjira keenyaatti Hawwaasa Aanaa Haawwaa Galaan keessa jiraatan gidduutti ijaarsa cimaa uumuu galma godhannee kan hojjechaa jirru yommuu ta’u. hawwaasni keenya ijaarsa cimaa diinagdeedhaan akkasumas hawwaasummaadhaan badhaadhe uumuu irraatti kaka’umsa akka qabaatuuf hawwaasaaf hubannoo uumuu irratti hojii bal’aa hojjechaa kan jirrudha. Kana malees namoota hojii cimaa hojjetan koori fi adda duree baasaa adeemuudhaan hojii jajjabeessaan akka hojjetamu gochuu irratti argamna. Qormaatilee gama kenna tajaajilaa fi bulchiinsa gaariin wal qabatan adda baasuun sadarkaa sadarkaadhaan hiikuuf hojii bal’aan karaa waajjira keenyaan hojjetamaa jira.

Akka waajjira keenyaatti Dubartoota Aanaa keenya keessatti argaman hundumaa bifaan, amantiin, sabaan, akkasumas gama kamiiniyyuu utuu hin qoodin fayyadamummaa dubartootaa irratti dammaqinaan hojjechuu irratti argamna. Kana hundumaa keessatti dubartoota gurmeessuun fayyadamummaa dubartoota keenyaa gama diinagdeetiin fooyyessuuf aadaan qusannoo dubartoota biratti akka babal’atuu fi cimee itti fufu gochuu irratti akka waajjira keenyaatti hojii bal’aa hojjechaa jirra. Kana qofa osoo hin taane dubartoota waaldaadhaan ijaaruun hojii garaa garaa irratti bobbaasuun cimee akkuma itti fufetti jira.

Komishinichi gahee fi hojii Dambii Ittiin Bulmaataa Paartii Badhaadhinaan kennameef bu’uureffatee yeroo yerootti inispekshinii fi qorannoowwan adda addaa ni gaggeessa. Argannoo qorannoo yaada murtii gorsaa waliin qaamolee paartii dhimmi ilaaluuf ni dhiyeessa; hojiirra oolmaa isaas ni to’ata. Miseensota Komishinichaa Dambii Ittiin Bulmaataa fi Sagantaa paartiif hin bitamne sagalee 2/3ffaan ni dhorka /ittisa Ergama komishiniirratti Qaamolee fi miseensota komishinii sadarkaan jiraniif waltajjii hubannoo uumuu fi ijaarsa dandeettii ni qopheessa. Gaggeessitootaa fi miseensota komishinii; ni bobbaasa; ni hordofa, ni madaala, ni sadarkeessa, tarkaanfii sirreeffamaa ni fudhata. Waajjira komishinii sadarkaa tokko ol jiruufi konfiransiif gabaasa dhiyaatu ni qopheessa, mirkaneessee ni erga. Karoorri, baajannii fi gabaasni qophaa'ee koomishinichaaf akka dhiyaatu taasisa, yemmuu mirkanaa'u qaama dhimmi ilaaluuf akka darbu godha, Murtiiwwan Komishinii ol jiruu fi koomishinichaa ni raawwachiisa, hojiirra oolmaa isaas ni hordofa, Sochii waliigalaa waajjirichaa ni qindeessa, ni gaggeessa, ni gamaaggama, Koomishinicha bakka bu'uun qaama sadaffaa waliin qunnamtii taasisa, Walitti qabaan hojii fi itti gaafatamummaa isaarraa walakkaan I/G Waajjira Dameef bakka bu’insa kennuu ni danda’a Hojiwwan biroo Komishiniin kennamuuf ni raawwachiisa

Waajjirri kun toora xiyyeeffannoo qaburratti hundaa’uun qindoomina waajjiraalee tokko tokkoo wajjin eyyama daldalaa baasuu, hoji dhabaa hojiitti galchuu akkasumas qaala’iinsa gabaa tasgabbeessuuf waltajjii hubannoo daldaltootaaf kennuu fi kanneen daldala keessatti daangaa darbuun gatii meeshaaleerratti dabalanirratti olaantummaa seeraa mirkaneessuuf hojjetaa kan jiru investeroota hojii hojjetaniif haalota barbaachisuu fi ulaagaa keessa darbamuu qabu hunda guuchisuun akka hojjetan gochuu fi hoji dhabdoota hojiitti galan hordofuu fi to’achuun hojjetaa jirra.